Камолонда кўп қаватли уй қуриб битказилди. Уйнинг олдида битта ҳам дарахт йўқ.
Ён томонига ўтаман, маҳалла бўйлаб пастга юраман. Ички ҳовлида ҳам кўкарган нарса кўринмайди: ҳамма жой бетон, панжара ортида пластикдан қилинган болалар майдончаси.
Шу ерда савол туғилади: Ўзбекистонда аҳоли пунктларини режалаштириш ва қуришнинг санитария қоидалари ва нормаларида қурувчиларга қандайдир талаблар ишлаб чиқилганми?
Ҳар қадамда кўп қаватли уйлар қурилмоқда, соядан эса дарак йўқ.
Автомашиналарни қўйиш учун жойлар кўзда тутилган.
Соя кўзда тутилмаганми?
Одамларчи, одамлар кўзда тутилганми ўзи?
Шавкат Миромонович, илтимос, Фармон/Қарор чиқаринг:
Қурувчи ташкилот қанча хонадон сотса, уй атрофида шунча улкан баргли дарахт экиши шарт.
Қанақадир, юз йил турса ҳам тангадек соя бермайдиган пакана, қилтириқ, номи улуғ супраси қуруқ дарахтлар эмас.
Оддий чинорлар, каштан, лола лириодендронлари, сада-қайрағочлар, заранг.
Масалан, сиз 96 та хонадонни сотяпсизми? Ажойиб! Омадингизни берсин. Аммо 96 та кўп соя берадиган дарахт кўчати экмагунингизча кадастр ололмайсиз.
Битта квартира = кўп соя берадиган дарахт.